საქართველოში საავტომობილო ტრანსპორტის სფეროში მიმდინარე რეფორმის ფარგლებში სსიპ სახმელეთო ტრანსპორტის სააგენტოს მიერ მიმდინარეობს საერთაშორისო საავტომობილო სატვირთო გადაზიდვებში ჩართული გადამზიდველების განებართვიანების პროცესი.
საქართველოს მთავრობის 2014 წლის 3 იანვრის N32 დადგენილებით დამტკიცებული ტექნიკური რეგლამენტით "ავტოსატრანსპორტო საშუალებებით ტვირთის გადაზიდვის წესის" მე-19 მუხლის შესაბამისად, გადამზიდველი, რომელიც განახროციელებს/ახორციელებს ნებისმიერი სახის საერთაშორისო საავტომობილო სატვირთო გადაზიდვას, მათ შორის სომხეთის რესპუბლიკის მიმართულებით ვალდებულია 2025 წლის 1 მაისამდე სააგენტოსგან მიიღოს საერთაშორისო საავტომობილო სატვირთო გადაზიდვის ნებართვა. აღნიშნული ნებართვის არქონის შემთხვევაში, სააგენტო გადამზიდველზე არ გასცემს პარტნიორ ქვეყნებთან გაცვლილ სანებართვო დოკუმენტებს (მაგალითად: თურქეთის რესპუბლიკის სპეციალური ნებართვა ცარიელი შესვლის უფლებით, რუსეთის ფედერაციის ორმხრივი და ტრანზიტული გადაზიდვის სანებართვო დოკუმენტი და ა.შ).
გასათვალისწინებელია, რომ საერთაშორისო საავტომობილო სატვირთო გადაზიდვის საქმიანობის უნებართვოდ განხორციელება, მათ შორის სომხეთის რესპუბლიკის მიმართულებით წარმოადგენს დარღვევას და აღნიშნული დარღვევისთვის საქართველოს ადმინისტრაციული სამართალდარღვევათა კოდექსი ითვალისწინებს შესაბამის სანქციას.
